Hruaitu chanvo

    LAMCHHIP BRANCH KRISTIAN THALAI PAWL

                  LEADERSHIP

                        Kohhran inrelbawlna ah hian Lal Isua hi Kohhran zepui, a innghahna-ah kan hmang tur a ni a, Lal Isua tello chuan Kohhran meuh pawh hian a zia a hlauh daih thin a ni. Kohran kal zelna atana tul leh pawimawh Kohhranin tha a tih anga a siam chhuahte hi kan zawmin, tih hlawhtlin anih hi a hlu em em a ni.

                        Kohhran hi chhangchhe tak – chaw ei laia lo muthlu te, lo tap a lo nuar buaite, lo lengbo daihte awm nuaihna chhungkua ang nihna lai kan nei a. Chuvang chuan member te kan enkawlna ah leh pawl kan kilkawinah hian nem lam deuh (khauh lutuklo) hman ngaih chang a tam thin hle a. Chutih rual chuan nem lutuk lah kan thatpui lovin kan chhiat phah fo bawk. Fimkhur a ngaiin mihring finna leh thiamna atang ringawt chuan tlin  zawh sen rual a ni lo. Pathian tih chakna leh tih finna kan mamawh thin. Tin, Kohhran hi Bible mil a kal leh inrelbawl kan nih avangin kan kawmngeih a tul hle.

                        Kohhran/Member ho te a thawh hona tha siam turin member te khawsak zia leh nunphun hriat chian leh chettir thiam a tul hle mai. Member ten thawhhona ah an theihtawp an chhuah leh chhuah loh in nghahna chu – an hna hmuh danah te, an nun a khawih danah te, an thawhpuite, an hruaitute an hmuh danah a in nghat thui hle. An harsatna hriatthiampuitu leh ngaihventu tha hruaitu an neih in an chanpual an thawk tha bik thin.

Biak in hlimthla thenkhat

Biak in thar lungphum phum ni

Lamchhip Branch KTP

Lamchhip Branch KTP 2013 hruaitu te :
Leader             : Pu Laltlankima
Asst. Leader     : Pu H. Ramnunsanga
Secretary          : Tv. Lalchangliana
Asst. Secretary : Pu Benjamin Lalzoliana
Treasurer         : Tv. D. L Tluanga
Fin. Secretary   : Nl. Lalramhmuaki

Committee members :
T. Upa Lalbiakhluna, T. Upa Roluahpuia, Pu Lalramthanga, Pu Jerry Lalawmpuia, Pu Zokhawsiama, Pu Lalmuankima, Tv. Lalengzaua, Tv. Lalfakmawia, Tv. Vanlalmawia, Tv. Emanuel Lalthianghlima
Represent : Upa Lalchhuanliana

Rawngbawlnaa thawhhona

“Keini zawng Pathian hnathawhpuitute kan ni si a” (I Kor. 3:9)

Mihring pianpui rilru chuan mahni tana thawh a duh thin. Mizo Pipute pawhin ‘Mahni tana Chakai khawrh’ tiin an sawi thin. Mahni thawhchhuah mahni tana neih rilru hi mihring rilru a ni. “Keimah” tih leh “Keima tan” tih hi mihring rilru lian a ni. Naupang tak ngial pawh hian ‘Keimah’ tih leh “Keima tan” tih hi an sawi dan a ni fo mai. Naupang awmkhawm zingah, heihi tu ta nge? ti ila, ‘Keima ta’ anti theuh mai ang. Heihi tu nge duh ti ta ila, ‘Keimah’ an ti leh theuh mai ang. ‘Keimah’ tih hi mihring rilru ah a lian a ni. A bikin Mizo rilru ah hian thawhho aiin mahni tana thawh duhna, mahni hmasialna hi a lian zual ti ila, a dik hle lo maw?