KTP Member chu :

i) HMANGAIHNA A NEI TUR A NI :

|halai ten kan rawngbawlnaah hian midangte Lal Isua hnen kan hruaina tur kawngah chuan a pawimawh ber a ni awm e. Hmangaihna awm zia te leh a tobul te lamin an sawi kan hre tawh a. Mihring hi Pathianin min siam danah hmangaihna nei turin min siam a. Kawng hrang hrangin hmangaihna hi a then theih a. cvhung zingah chuan kan thlur bing tur chu rawngbawlpuite hmangaihna hi a ni. A hnung kan zui Lal Isua Krista rawng kan bawlna ah hian in hmangaih taka kan awm loh chuan kan rawngbawlna te hian chak chang te nei ve thin mahse a chak rei thei thin lo. Chuvangin rawngbawlpui te hmangaih hi kan mamawh em em a ni.

Engtinnge kan hmangaih ang :

Pathian rawng kan bawlnaah hian Bilble in nundan tur a sawi ang tea nung tur kan nih rualin Eden bawhchhiatna avanga Pathian anpuia siam kan nihna hloh tawh kan ni si a, chutah chuan kan famkim lohna rawn lang \hin in Pathian rawng kan bawlna leh kan nitin nun te hian inkungkaihna thuk tak neiin, kan nitin nun a hun kan hman dan te hi kan rawngbawlna kawngah intehnan kan hmang \hin a. Chuvangin K|P member – fellowship ziah si, inkhawm ve ziah si ti tea the kan ni \hin a. Chuvangin kan phak ang tawka kan nun dan pawh kan fimkhur a ngai a ni. Hmangaihna ngaihna chhan kawng hnih ka’n thlang chhuak a, chung te chu :

i) TIH LOH TUR TIH : Intlansiakna khawvela cheng kan nih avangin rawngbawlna ah pawh kan rawngbawlpuite (K|P ah chuan K|P Member puite)  el ran a awm hi thil awm thei a ni a. Hetah hian inelna tha leh tha lo a awm a. Itsik zawnga el hi thil tha lo ber a ni a. Rawngbawlpuiten dinhmun tha deuh an han chang emaw an thlarau nun a chak deuh tum emaw hian inlawmpui hi tam tak chuan harsa kan ti thin. Chutiang bawkin sualin a beih a, an chauh chang ni a lo awm te hian in tawngtaipui a hnekin mahni rawngbawlpuite ngei ngei midang hnena rel ching kan tam mai. Heng hian Pawlah inpumkhatna a ti chhe thei em em a. Chung hunah chuan rawngbawlpuite an lo chak deuh a nih chuan miin ka chaklo bik a ni tih an hria ang tih emaw hlauhna  a lo lut a, kan rawngbawlpui te tehna uluk takin kan siam a, mihring na na na chu famkimlo kan nih avangin kan in teh tling zo si lo a. Chung hunah chuan in lawmpuia hnekin kan in sawisel fo. Heihi thil tha lo tak a ni. Tin, kawng dangah thlirna hran a awm thei bawk a. Kan rawngbawlpuite an lo chauh a changin miten an hre lo ang tih hlau awm taka midang hnena sawi vak vak ching kan awm thin bawk. He rilru hi setana’n min beihna tih a lang chiang hle a. Rawngbawlpuite zingah miin min hmu tha bik se tihna rilru hi thil awm ve thei ani a. Chuvangin inhmangaih takin kan tawngkam te fimkhur taka hmanga awm hi kan tih tur a ni. A bikin KTP Member Active khawchhunga awm hi chu sawmhnih (20) bawr vel erh awrh kan nih avangin induhsak tak leh inhmangaih tak kan awm a pawimawh hle. Kan tlin lohna leh chaklohna ah te midang hnena in rel a, insawi chhe mai lovin kan in \awng\aipui anga, kan duhloh zawng taka an awm a nih phei chuan midangin an hriat hlauh pui zawk a anmahni ngei kan hrilh te pawh hi thil nuam tak nilo mahse Krista a\anga chhuak hmangaihna a\anga chhut chuan kan tih tur niawm reng a ni.

ii) TIH TUR TIH LOH : Rawngbawlna kawngah hian tih tur hrang hrang a tam em em a, hengte hi hriat loh vanga tih loh awm ve thei a ni. A bikin K|P Member active te hi kan naupang tlang hle a, hengah hian kan hriat awm leh tih tur awm tak te tih nachang hriat loh a awm thei. Tin, keini aia u zawk te pawn tih tur tih nachang hriat loh te pawh an nei thei. Chung angah chuan hmangaihna thinlung a\anga chhuak inhriatthiamna te kan neih a pawimawh hle. Heng kan hriat loh te pawh hi inhrilh hriat a pawimawh hle. Tin, Kohhran tê kan nih avangin mi pakhatin chanvo hrang hrang (Committee) te kan chelh fur a. Chung \ul vanga K|P Programme a kan tel theih loh \um te a lo awm a, hengah te hian Secretary ten lo hriat a, lo puan kim vek a har \hin a, mihring lamah hian inphutna te a lo awm hma hle a – ‘an peih loh vang maia kallo anni ang’ tih ngaihtuahnate a lo awm a, chu chuan mahniah tui lohna te, a ti bik hlei nem tihna te a awm tir a hlauhawm hle bawk. Thil tihna reng rengah midang phutna chu a awm lo thei lo, mahse keimahni min ti chau thei khawpin midang phutna te kan nei ang tih a hlauhawm hle bawk. Chuvang chuan keimahni mizia te pawh hi siam \hat ngai a awm a nih chuan kan insiam \hat zel a pawimawh. Chung ang a kan awm thei a nih chuan kan inpumkhatna  ati \ha anga, miin tel an lo chak ve thei dawn a ni. Chutiang ang a nih loh chuan rinna a keini aia chaklo te tan chuan han tel chakna tur programme kan siam thei bawk si lo a, Lal Isua hnen hruai thlen theihna tur kawng dang a vang hle a ni. Kan sawi tak ang khan kan rawngbawlpuite hmangaih hi kan tih ngei ngei tur a nih mai bakah KTP hi kan hmangaih tur a ni. Ka Pawl a ni a, ka tello chuan a chak thei lo. He pawlah hian member satliah angin in ngai mah ila pawl chakna tura kan pawimawhna hre theuh ang u.

ii) HUAISENNA, CHHELNA LEH NUN NGHET:

Heng thupui ho hi an in ang khat hlawm viau mai a. Kal kawp, a engemaw ber a awm loh chuan famkimlo thin an ni a. Ringtu nuna huaisen a ngaihzia te, chhel a ngaihzia te leh nun nghet neih a pawimawh zia hre tu vek kan ni a. Sawi tam vak ngailoah ka dah tawp a. Kan tih tur chanvo tuk te tlinglo chung chunga kan tih hram hram te hi a pawimawh a. Heng chanvo hrang hrang tantu, thusawitu ah te kan tan hun te a la awm ang. Chung hunah chuan hmelma pa hian kawng hrang hrangin min bei thin a. Heng hneh a, sual chhuak tur chuan huaisenna hi kan mamawh ber a. kan rilru te pawh kan tih chhel a ngai a ni.

Tin, rawngbawlna kawngah chaklo taka ke pen chang te, tin kan rawngbawlnaa kan tih tur tih loh chang te a awm thin a. Heng hunah pawh hian sawisel te hlawh thei kan ni. Miin min sawisel vanga ti taua, tlu tur kan nilo tih hi kan thinlunga kan vawn a, chhel taka kan awm tlat a ngai. Khawi hmunah pawh awm ila Lal Isua neitu kan nihna hi vawng nghet tlat a, nunpui tlattu kan nih hi a pawimawh hle a. Mahse, a har hle thung si a. Ka hmelhriatten min hmu chuanglo a lawm tia, mahni’n tluk phah dawn chuanga hriat lohna rilru nen thil tha lo tih duh maina  te pawh awm thei a ni. Heng hi midangin hre lo mahse engkim hretu a awm avangin kan rawngbawlnaah pawh rah tha kan chhuah theih loh phah thin. Chuvangin khawi hmunah pawh awmin, eng pawh ti ila nun nghet neih hi kan tih makmawh a ni.

iii) TAIHMAKNA :

Khang kan sawilan tak zawng zawng te ti hlawhtling tur chuan taihmakna kan mamawh a. Kei hi in hriat theuh angin mi thatchhe ve tak mai ka ni a. Thatchhe tan chuan Pathian rawngbawlna kawngah hian sulhnu leh rah \ha chhuah a lo har khawp mai. Chuvangin Kohhran Pathian biak inkhawm, KTP Inkhawm, Fellowship, Kohhran Programme hrang hrang(hnatlang), KTP thil tih hrang hrang ah te kim taka tel hi kan tih tur, kan duty a ni tih hriain taihmak chhuahin kan ti tur a ni a. Tin, Bilble chhiar, tawngtaite phei hi chu sawi tam ngailovin kan tih makmawh a ni. Heng te hi taihmak chhuah a kan tih hram hram chuan tunlai khawvelah ringtu chau kan ni tak tak thei dawn lo ti ila kan sawi sual lutuk awm lo e. Heng kan sawi lan ho ah te kan tel tam loh a, kan tih ngun  loh chuan mahniah inthlahrunna a awm thin a. chu chuan zawi muangin min ti chau thin. Chung hun  a lo awm palh a nih pawhin chau mai lovin taihmak chhuah a kan thlarau nun a chauh zual loh nana kan beih hram hram a pawimawh  ani. Chu chuan kan mimal thlarau nun mai bakah Kristian Thalai Pawl tan chakna  athlen anga, chumi rah chu keimahni mai bakah kan member pui ten an lo sengin, an lo tel thei dawn a ni.

iv) RAMRI PELA KAL A NGAI :

          Tin, Pharaoa chuan,”Thlalêra LALPA in Pathian hnêna in inthawi theihna turin ka kaltir ang che u; amaherawhchu in kal hla vak tur a ni lo ve: mi ngensak ang che,” a ti a. Exodus 8:28

          Israel fate Aigupta atanga Pharaoa’n chhuah tir a phal loh êm êm lai khan, a ram chhunga an Pathian tâna inthawi chu a phalsak ve tlat. A hnên atanga hla taka an kal erawh a phallo a nih kha. Hetiang ang deuh hian Krista zuitu kan nihnaa kan zui leh biak nilo mahse nitina min bei a, hnehtu chan chang ve fo thin hmêlmapa Setana hian Bible chhiar min phalsak a, mahse nunpui turin min phalsak lo. Pathian biak inkhâwm min phal sak a, Thlarau leh tih tak zeta Pa chibai kan buk erawh min phalsak lo. Tawngtai pawh min phalsak a, Thlarau pawlna nung nena kan tawngtai erawh a phallo. Pathian rawng kan bawl pawh a phal, kan buai ve viau thlenga Pa rawng kan bawl pawh min phalsak a, mahse thlarau bo chhandam min phalsak lo. Hetiang vela Setana’n a hruai kual vel ringtu kan ni ang tih a hlauhawm kher mai. Keima dinhmun ka’n ngaihtuah a, Pathian khawngaihna zarah Branch lian lo takah Secretary ka’n ni ve a, thil buaipui ngai te a tam ve tawh khawp mai a, rawngbawlnaa \ul te tia buai hi vanram kaina nise chuan kan Kohhran Member zingah hian a kai tur Top 10 thlang ta ila, ka tel ve ngei ka ring. Mahse, heng vanga Lal Lukhum hlawh tur ringawt kan ni si lo. A \ul a nih chuan kan rawngbawlna vangin kan buai anga, tin, Setana ramri pêlin kan chhuak anga, kan Pathian engkimtitheia duhdan ngeiin kan nun kan hmangin, a rawng kan bawl tur a ni.